हंसपुर नगरपालिकाका पूर्व मेयर मण्डलले फिर्ता गरेनन् कागजात र जिन्सी समान

जनकपुरधाम, भदौ ३१ गते ।

हंसपुर नगरपालिकाले पुर्व मेयर रामज्ञान मण्डलले नगरपालिकाको कागजात र जिन्सी समान अझ‌े फिर्ता गरेका छैनन् । कार्यकाल सकेको ४ महिना बितिसक्दा समेत उनले कागजसहितका जिन्सी सामान फिर्ता नगरेपछि नगरपालिका कार्यालयले उनलाई पत्र पठाएको छ । मेयर हुदा नगरपालिकाबाट लिएको मोवाइल, ल्यापटप, म्याकबुक, प्रिन्टर र इनभटर नगरपालिकामा फिर्ता गर्न हंसपुरका पुर्व मेयर मण्डललाई पत्र पठाएको प्रमुख प्रशासकिय अधिकृत केशव कुमार अधिकारीले बताए । मेयर पदमा रहदा मण्डलले लिएका विद्यालयहरुको दिवा खाजा सम्बन्धि कागजता र चेक, अस्पताल, सडक ढालान, नाला निर्माणको फाइल सहित अन्य जिन्सी समान तत्काल नगरपालिकामा बुझाउन नगरपालिकाले पत्र पठाएको हो । मेयर मण्डलको जिम्मामा १० लाख बराबरको औषधी जन्य समाग्री, १० लाख बराबरको खेलकुद समाग्री, १५ लाख बराबरको कार्यालय समाग्री र ५ लाख मुल्य बराबरको फर्निचर रहेको र मेयर पदबाट हटेपनि उक्त समानहरु नगरपालिकामा फिर्ता नगरेको प्रशासकिय अधिकृत अधिकारीको भनाइ छ ।