सप्तरी, असोज ४ गते ।
भगवान विश्वकर्माको मुर्ति सेलाउने क्रममा डुबेर बेपता भएका एक युवकको शव फेला परेको छ ।
मंगलबार बिहान सप्तरीको छिन्नमस्ता र बिष्णुपुर गाउपालिकाको बिचमा पर्ने सिमाना बरहि बिरपुर स्थित कोशि नहरमा शव फेला परेको हो ।
दुई दिन अगाडि विश्वकर्माको मुर्ति सेलाउन सप्तरीको राजविराजबाट आएको टोलिमध्ये एक जना अन्दाजि २५र३० बर्षिय युवक डुबेर बेपता भएका थिए ।
सशस्त्र प्रहरी बल नेपाल ६ न। गणका गणपति सशस्त्र प्रहरी उपरीक्षक प्रदिप खड्काका अनुसार विगत दुई दिनदेखि सो शवको खोजि कार्य भइरहेको तर नहरमा पानिको मात्रा बढि रहेकाले फेला नपरेको तथा नहरमा पानी घटेपछि आज सो शव फेला परेको छ ।
शवलाई पोष्टमाटमसका लागि राजविराज स्थित गजेन्द्रनारायण सिह अस्पताल पठाएको प्रहरीले जनाएको छ ।
