तामाकोशी गाउँपालिका ४ मालू डाँडागाउँमा संचालनमा रहेको दाजुभाई किराना पसल भत्कियो, क्षतिको विवरण आउँन वाँकी

दिपक बस्नेत
श्रावण ३०, तामाकोशी ।
तामाकोशी गाउँपालिका वडा नम्वर ४ मालू डाँडागाउँमा संचालनमा रहेको दाजुभाई किराना पसल भत्केर तिन कान्लामुनि पुगेको छ ।
विगत लामो समयदेखि संचालनमा रहेको किराना पसलमा सम्पुर्ण सुविधा रहेको थियो । आज करिव ३ः४५ बजेरतिर एक्कासि ठूलो आवज गरि पल्टिएको प्रत्यक्षदर्शिको भनाई छ ।
पसल पल्टिनु भन्दा केहि समय आगाडी ठूलो पानी परेको थियो । पसलमा कोहि नभएको हुँदा मानविय क्षति भने भएको छैन । पसलमा रहेका सम्पुर्ण समाग्री पुरिएका छन् । पुरिएका समाग्री स्थानियको सहयोगमा संकलन गर्ने काम भइरहेको छ । कति क्षति भयो भन्ने एकिन भन्न नसकिने वताइएको छ । पसलमा भएका सम्पुर्ण समग्री क्षति हुनका साथै पसलको मुनि पालिएका कुखुरा भने केहि मरेको बताइएको छ ।